البرنامج التدريبي و الأرشادي الأول في الوطن العربي

ياسر

بصراحه اني كنت فاهم السوق و التحركات و كثير امور ثانيه لكن ما كنت اعرف اوظفها صح ، المنتور علمين كيف اوظف كل معلوماتي الي عرفتها عن الاسواق وكذلك خلاني اتصرف بحكمة وجدية مع الاسواق ، باختصار المنتور نورني و وجهني على اتخاذ القرار الصح اتجاه الاسواق بالفتره الي كنت فيها صعب جداً اكدر اتخذ قرار سواءً بالدخول او كيف انظر للسوق . 
( المنتور زاد من ثقتي اضعاف وهذا اكثر شي كنت محتاجه )

@yasir_118

علي

اول شي المنتورشب وضحلي كتير أمور 
مثل الباكتيست الصحيح  
وبمجرد انك عرفت الاشياء التقنية متل تعلم الاستراتيجية هاد غير كافي لا انك تصير متداول رابح بأستمرار 
وعرفت معنى يكون عندك مدرب  ومن خلال المدرب شقد ممكن تختصر الوقت 
والافضل انه مو بس بيعطيك فيديوهات مسجلة لا استراتيجيات متل باقي الكورسات لا بعلمك شلون تصنع استراتيجية خاصة فيك وتكون مناسبة لا وقتك ولا شغلك وبس هاد الشي الي شفتو وانا جديد على المنتورشب صرلي  اقل من ٣ شهور

@a9brr

عبدالله

اول مابديت اعرف التداول من ناس هيه متعرف المجال شنو جنت اسمع انو انت بليوم الواحد تكدر تحقق مبالغ خياليه يعني دخلك الاسبوعي فوك ال ١٠٠٠$ وجنت متوقع ب انو اذا عرفت نضام كامل خلاص صرت متداول واكدر احقق اكثر من الي مشتغلين بيه لاكن من دخلت للمينتور كل الي ذكرته جان خطا فهمت شنو النضام وشنو الاستراتيجية وعرفت شنو الفائده من مدرب عندي فاهم هذا المجال وعرفت اهمية الالتزام جنت اسمع يذكرون باكتيست لاكن ماجنت اطبق وهذا الشي خطا وعرفت انو الباكيست شي اساسي وسجل التداول كذالك

@v3_hn

أحمد عباس

المنتورشب كان شمعة الحقيقة لي٫ التي اخرجتني من فقاعة الكذب والاحتيال والنصب 
كنت لاعرف ماذا افعل ومالذي يجب فعلة جميع المسوقين كانو يقنعوني في صفقاتهم الوهمية ودوراتهم التي لو درستها ساحقق الربحية في يوم وليلة وكانو يبنون لي الاحلام الوردية على حساب وقتي ومالي ولأجد سوا الخسارة والاحباط 
عند دخولي المنتورشب كسر كل هذه الاكاذيب والاحلام الوردية وقام بتعليمي وتحصيني داخل الاسواق وخارج في الحياة اليومية والتداولية واضهر لي الجانب الحقيقي من التداول الذي عجز عن اضهارة كل  المسوقين المحتالين وقدم لي  المعلومات القيمة الحقيقة على طبق من ذهب  

"الدخول
 في المنتورشب مع مدرب عضيم ومحافض وملتزم ومتابع مثل "استاذ علي الركابي"
 و الاستمرارية من الطالب تصُنع بيئة تداولية مرعبة"

@Power014

محمد

شائت الصُدف أن ادخل لبث بوقت متأخر من الليل
 متواجد بيه "ركابي" وشخصين فقط مُستمعين
بعد سنوات طويله قضيتها بـ المجال ضايع مثل آلاف المتداولين المُشتتين بمدارس التحليل 
اول مرة اشوف شخص واعتبرة قُدوة الي بهذا المجال 
أول مره اشوف شخص أكول اريد اصير مثله  .. أمنت بيه من أول كلام بيناتنا
وكذلك اول مرة اشوف نفسي من خلال شخص
شخص مُختلف وسابق لـ عصره
من اذكر اسم ركابي اعني بيها كل الجهود المبذوله منه بـ المينتور لان علي هو المينتور 
هو الليدر وهو الي نستمد منه كُل شيء 
لأول مره ما ادرس كورس
وانما تعلمت اكون مُستثمر حقيقي
لأول مرة احقق بـ قرابة السنة اشياء ماحققتها بـ 6 سنوات راحت هباء
الخُلاصه الي اكتشفتها هي مو بطول مُدة التعليم ولا بـ كثرة الدورات والمدراس
وإنما بوجود شخص ينطيك رؤيه واضحه وتشخيص صحيح للمشاكل وعطائه لامُتناهي
بـ فضله اني وكل الطلاب اليوم نخطو خطوات ثابته
وكلنا ثقه بانفسنا 
ومانقبل بـ أقل من النجاح

@realMHMD28

د .علي مثنى

بعد تجربه اكثر من 5 سنوات ودخلت وجربت كلشي مرات احس نفسي انجح ومرات اخسر وهيج لحد ما جمعتني الصدفه بالمنتر  البي علي الركابي صراحه من شفت الاهتمام يبدي من التلفون وشلون ياخدك بمجرى غير تفكيرك مثل تفكير الغنياء والناس التعرف تفكر من يجبرنه ندرس كتب  جانت تجربه اكثر من ناجحه فعليا اول مره  احس نفسي وصلت 
بعد اهواي تعب طبعا ما اكلك الموضوع خالي من العيوب وخاصه علي مرات يصير متعصب 😂  ، لو ردت متاخر طبيعي يعني عنده طلاب . رغم هذا السعر الرمزي اليقدمة علي بهذا السعر مستحيل احد يقدمة والتعب اليبذلة مو طبيعي ويه طلاب  وخاصه البيئة المتعاونه بين طلاب
وماكو شي يخلى من الأخطاء  بس اليقدمه المينتر شي عضيم شي هو مسوي ما موجود وهذا يحسسك بالنجاح وخاصه هوه يخليك تسوي هل شي مثل ما هو سوى

@ali_mothana

د . صالح

اول سؤال طرحته على المدرب استاذ علي
شلون افكر مثل المستثمر بعد ما اجزم انه التداول استثمار مو حظ نفس ما تعرفت من المدربين السابقين الي يدعون انهم ضد النصب وهم نصابين وبشكل صريح جداً ،اجابته كانت مطولة شملت البدء بالعقلية وتغيير العادات وملاحظة الاخطاء كل هذا ببرنامج اسمه Notion وطريقة استخدامه وبالفعل انتبهت عندي اخطاء بحياتي وفعلاً هذه الاخطاء تأثر على التداول مثلاً عدم الالتزام بالنوم في فترات العمل المستمر 
عدم الالتزام بالاكل او تمشية الحال باي وجبة بس لانه العمل لازم يكمل بوقت معين ....

بديت اسوي كلشي بهذا النوشن اراقب نفسي كل اسبوع واتحمس احقق نتائج افضل لان هذا الشيء ينعكس على اتخاذ القرار بالصفقة 
اليوم السيء يؤدي الى قرار سيء يعني صفقة سيئة غير مدروسة او اختراق للقوانين 

تمكن من ملاحظة الانحياز العقلي لاعتقاد سابق ( يعني ادخل الصفقة بدون قوانين صريحة مجرد عندي حدس او اندفاع وادخل بدون ما مسوي باك تيست )

الاجابة صراحة اطول بهواية المنتور بي مجتمع يشجع على النجاح والتغيير والتكيف مع التغيير مع ظروف السوق تحتوي افكار وحتى قدم كتب تثقف المتداول بهذا المجال وتبني افكار مال مستثمرين حققوا انجازات نحتت اسمائهم في عالم الاستثمار شكراً لكل جهود الشباب بالمنتور ❤️

@Storekd

عبد العليم

بالنسبة الي كتجربة شخصيه مخليت كورس ماحضرته وبيها كورسات اكثر من 70فديو درست اكثر من ٣ كورسات لاشخاص مختلفين ودرست بدون قناعه بدون ثقه انو هذا الشي ممكن يوصلني للربحيه المستمره بس شنو كلها نفس المعلومات كل الانضمه متشتغل كلها اشياء ثابته ميغيروها كلها نفس الشي مابيها كل فايده طلعت بالاخير بصفر معلومات بصفر تقدم وبقيت تايه  لحد مالكيت شي اسمه منتورشيب بأسم علي الركابي هنا بس شفتلي فديو من فديوهاته بنفس اليوم دخلت المنتورشيب وبقناعه تامه انو هذا الشخص ممكن اوصل ويا لنتيجة جداً ايجابية ومرضيه صراحتا وهذا الشي الي شفنا ودنشوفه حاليا وراح نشوفه بالمستقبل ان شاءالله ..والحمدلله ويا عرفت الطريق الصحيح والي لازم كل شخص يمشي بي والطريق الوحيد الي ممكن يوصلك للشيء الي تريده ..

alim_f5

علي الزبيدي

شراف استاذ علي واجاباتة على اسالتي وضحلي امور كثيرة كانت مغيبة عني، من اعظم فوائد المنتورشب هي قدرتك على رؤية الوجه الحقيقي للتداول والسوق، واستمتاعك بفترة التعلم رغم الالم والمعاناة الي تمر بيهه كل هذا اضافة الى وجود اخوة اكفاء داخل المنتورشب يتبادلون خبراتهم ومشاكلهم وحلولهه مع بعض، ببساطة المنتورشب يعلم تتداول باتساق ويصنع عندك عقلية المتداول الحقيقية.

@AlZubaidyD90

محمد

من الاخر وبدون كلام طويل المنتورشيب هو اسلوب حياة مو فقط كورس وتصحيح واشراف لأنو لما تدخلو رح تتغير كثير من أمور فحياتك وتصير تعرف شنو تسوي فيها لانو يبنيك من اول ماتصحى من النوم لحد متنام هنا نحن كعائلة الكل بتساعد بعضها لحد ماتوصل لمبتغاك وهذا كلو بفضل الله اولا ثم الاستاذ علي روابي ثانيا لأنو زرع فينا هي البذرة الطيبة والحمد لله قاعدين عم نحصد وناني ثمار هذه البذور فعلا شكرا من القلب  ❤️ 

@Dondadi

هارون

تابعت هواي كورسات وحملت فوك ال 5000 كيكا  محاضرات وكورسات واستراتيجيات وما استقريت على شي وكومة وقت ضاع مني بس من دخلت هنا يلة توجهت صحيح وعرفت المشكلة وين وشنو لازم اسوي وهذا ما شفتة ابد باي كورس او منتورشيب ثاني

.@Devil2171

زينب

تجربتي بالمنتور هوة النور الي يصاحب الطالب بطريق مظلم بسبب المعلومات الغلط و بسبب الأكاديميات الكاذبة الي متقدم اي شي للطلاب غير انهة تستنزف اموالهم و طاقاتهم و وقتهم ع شيء مستحيل يحققونه الي هوة وصول الطالب للربحية المستمرة 
اما المنتور هوة الي ينور هذا الطريق و يبعدك عن الاخطاء و غير عن هذا متابعة و حرص الاستاذ علي ويا الطلاب وعلاقته ب الطلاب مو علاقة معلم وطالب ابد علاقة اصدقاء علاقة اخوية و المنتور مو بس معلم و يعلمك شلون تتداول المنتور ينظم حياتك و روتينك المنتور ينمي عقلية الطالب 
ويفتح عقله ع أمور ما متوقعة للنجاح بهذا المجال
صرت اثق بـ الإستراتيجية مالتي 
صرت اثق بخطة التداول مالتي
صرت اثق بتداولاتي 
كله هذا بفضل المنتورشب 
خلاصة القول (بدون منتور أنسى انك تنجح)

@zn_o369